Football (Coupe de France) - L’Île-Rousse sort par la grande porte contre Guingamp (0-2)
(A redazzioni d'Alta Frequenza) - Ùn ci hè micca statu un novu miraculu pà L'Isula, club di CFA2 chì, pà l'8i di finali di a Cuppa di Francia, hè statu eliminatu ssu marcuri à sera da Guingamp, furmazioni di Lega 1, dui reti à zeru à u stadiu François Coty davanti à più di 6 000 parsoni ghjunti da Corsica sana. I brittoni ani scrittu i so dui reti nant'à dui mumenti di ghjocu arristatu: prima Cerdan cù un'incapata nant'à un corner à a 40a minuta, eppo Diallo, sempri cù un'incapata, ma nant'à una penalità da luntanu à a 57a. I balanini ùn avarani mai demeritatu, pruducendu un billissimu ghjocu è inchietendu ancu assai suventi i visitori, soprattuttu duranti u primu tempu. L'aventura in cuppa hè dunqua finita pà u FBIR, chì ùn hà micca à vargugnà si di ssa disfatta, è chì hà da ritruvà da quì à calchì ghjornu u so campiunatu di CFA2.
Steti à senta unu di i dui intrenori di L'Isula, Nicolas Gennarielli.
Sur le même sujet
