Football (coupe de France) - L'ACA se qualifie pour les 16e de finale à Jura Sud (1-2)
Photo : AC Aiacciu
Duminica, l’AC Aiacciu si n’hè mossu à ghjucà contru à Jura Sud, pà u contu lli 32esimi di finali lla Cuppa di francia.
Unu scontru chì si saria ancu pussutu fà trappula, contru à issa squadra avvizza à fà calchì prova in issa cumpitizioni.
Olivier Pantaloni avia fattu parichji cambiamenti in u gruppu, fendu ancu entra pà a prima volta in a squadra prima à Levine è Soumano.
À tempu attaccata a partita, l’aiaccini stringhjiani i farra à una squadra di u Jura bedda intimurita.
À pena innanzi à u posu, Ruan Levine mittia un calciu di riparu pà Aiacciu.
In a siconda parti llu scontru, Levine mittia un sicondu marcu pà l’ACA, dopu à un beddu travaddu di Soumano.
In u tempu in più, Mara Wagué marcaia pà Jura Sud.
Cù issu marcu di 2 à 1, l’ACA si hè dunqua qualificatu pà i 16esimi di finali lla Cuppa di francia. Li tuccarà tandu à mova si ni à ghjucà contru à Tulusa, a duminicata llu 21 di ghjinnaghju.
Sur le même sujet
