Football (coupe de France) - Ca passe pour Furiani, ça casse pour le Valincu
Si hè cuntinuvatu duminica dopu meziornu u settimu ghjiru di a Cuppa di francia di ballonu.
Dopu à l’elimilazioni arimani di u Sporting in Lyon la Duchère, hè tocca à a SVAAR à lacà si issa cumpitizioni. Dopu à unu scontru finitu cù u marcu di unu à unu, i ghjucadori di u Valincu è di l’Alta Rocca ani persu a prova di i calci di riparu contru à Fabrègues.
Furiani, chì ghjucaia contru à Noisy Le Sec, una squadra di R2, hà vintu dui à zeru, Arnaud Binet è Teddy Averlant avendu missu i marchi. Mentri issu scontru, i lucali ani avutu dui ghjucadori sclusi.
Pà u prossimu ghjiru, Furiani hà da mova par ghjucà contru à Sannois Saint Gratien, una squadra di Naziunali 3. L’affari pudaria essa à pena più dilicatu.
In l’ultimu scontru d’una squadra corsa, l’AC Aiacciu vinci dui à zeru contru à Toulouse Métropole, à u posu.
Sur le même sujet
