Football (CFA) - Le CA Bastia à 90 minutes du National
(A redazzioni d'Alta Frequenza) - Pà iss'ultima ghjurnata di u CFA, ind'u Gruppu A, i bastiacci di u CAB pudariani bè suvità i so vicini di u Sporting è di u Gazélec cullendu in Naziunali, ciò chì saria a terza prumuzioni di una squadra Corsa issa staghjoni. Da sbuccà ci, bastarà chì i cabisti andessini à pighjà un risultatu à paru in Alfortville, dighjà sicuru di firmà in CFA pà un'antra staghjoni. È ancu puru in casu di disfatta, pudariani quantunqua cullà in Naziunali s'è Aubervilliers, cuncurrenti daretu à u CAB, facia un risultatu à paru contr'à u so avversariu, chì, bella irunia, sarà u FC Calvi. I dui scontri principiarani à 6 ori di sera.
