Finances Publiques : Corsica Libera demande le départ du directeur régional et à l'Etat de changer de politique dans l'île
(A redazzioni d'Alta Frequenza) - Cunfarenza di stampa di Corsica Libera ssu luni da mani davanti à u Sirviziu Dipartimintali di i Finanzi Publichi di Bastia. U partitu naziunalistu hè vultatu nant'à i parolli attribuiti à u direttori di i Finanzi Publichi di Corsica, ripituti inde un ducumentu internu di u sindicatu FO è accertati da i sindicati CGT è Solidaires calchì ghjornu fà, duranti a visita di u Secretariu di Statu Dussopt : "Sighiti assicuratu, o Sgiò Ministru, chì duranti i cuntrolli fiscali, circhemi solu i Corsi, micca i stragneri, nè i cuntinintali". Un discorsu chì, pà Corsica Libera, devi essa ripiazzatu "inde un cuntestu generali di negazioni di a demucrazia è di regnu di l'arbitrariu di quali u Statu n'hè rispunsevuli di manera sana". S'ellu dumanda di sicuru a partenza u più prestu pussibuli di u direttori di i Finanzi Publichi di Corsica, u muvimentu metti dinò in avanti l'esigenza di riveda a situazioni fiscali di l'isula, d'uttena un statutu fiscali è suciali, eppo a missa in ballu assai in furia di muratorii pà i picculi intrapresi.
Steti à senta à Eric Simoni pà Corsica Libera.
