Fête de la Solidarité à Ajaccio : entretien avec la présidente de la Croix Rouge 2A
(A redazzioni d'Alta Frequenza) - Prima edizioni di a Festa di a Sulidarità, sarà sabbatu da 10 ori di mani fin'è 7 ori di sera in u Palazzu di i Cungressi d'Aiacciu. Un'iniziativa presa da i novi associ chì custituiscini a CLE di Corsica Suttana, a Cuurdinazioni interassuciativa di lotta contr'à a sclusioni, pà sinsibulizà sempri di più i stituzioni è tutta a sucità civili à a puvartà è a precarità chì ùn piantani di crescia nant'à l'isula. S'elli ci sarani attelli pà i chjuchi è i maiò, spittaculi di musica è di teatru o ancu sequenzi di tistimunianzi, u puntu cintrali di ssa manifistazioni sarà l'accolta in fin di matinata chjamata "Comu fà rinculà a puvartà in Corsica ?", cù com'è invitati eletti tarrituriali è lucali di prima trinca. I valori di u populu corsu, a prima a sulidarità, asistini sempri ? Emi postu a dumanda à a presidenti di unu di l'associ numarosi chì cumponini a CLE, a Croci Rossa di Corsica Suttana.
Steti à senta à Stéphanie de Cicco.
