Fermeture du tunnel de Bastia : trois semaines de casse-tête expliquées aux habitants
Da u 18 di frivaghju à u 11 di marzu, hà da vena mali à viaghjà in vittura in Bastia, chì u tunellu sarà chjusu : in prima sarà ruttu u catramu, po’ sarà cacciatu u tigliu, è infini sarà missu u catramu novu.
Da ch’idd’ùn ci sichi troppu dannu, i Camin’di Farru sarani di rigalu pà issu periudu, trà Bastia è Casamozza, è sarani rinfurzati capacità è friquenza lli trenna.
ViaBastia, ch’ùn hè ancu à difinì i traghjetta lli so bus, hà da prupona i truttinetti elettrichi è 50 bissicletti, elettrichi ancu iddi.
I battella ghjunghjarani à 5 ori è mezu, da ch’iddi poschini libarà, i traspurtadori, a circulazioni pà 7 ori di mani.
À quiddi ch’ùn a si pudariani sfrancà di piddà a vittura, li sarà difesa di piddà à manca à nantu u viali Paoli o in San’Ghjiseppu, è ùn li sarà pussibuli d’avvià si versu u carrughju Campinchi partindu da a Posta.
À quiddi chì duvariani francà à Bastia senza firmà si, li sarà pruposta un traghjettu à posta par Sant’Antonu. I succorsi t’avarani u so traghjettu à posta ancu iddi, libaru quant’iddu si pò di circulazioni è staziunamenta.
Par casu ch’iddu ci sichi calchì pinseri a prima sittimana, a mirria si teni a pussibilità d’ùn lacà viaghjà i vitturi chè un ghjornu par dui, sicondu u numaru lla so placca.
Marcuri, a mirria hà attaccatu una siria di trè riunioni, par spiicà tutti issi ciambotti.
Steti à senta à Pierre Savelli, u merri di Bastia.
Ma puri cù issi tanti spiicazioni, sò inchieti l’abitanti. Meryl, una ghjovana mamma chì stà in San’Ghjiseppu, devi piddà ugni ghjornu a vittura, purtà u so criaturu à a ciucciaghja in Toga, è mova si ni in Lupinu à travaddà.
Par idda com’è par tanti altri, circulà è staziunà hè un veru grattacapu.
Steti la à senta.
Sur le même sujet
