Femu a Corsica se positionne avant les visites ministérielles
(A redazzioni d'Alta Frequenza) - Stamani (vennari) in Bastia, Gilles Simeoni è Ghjuvan Cristofanu Angelini si sò pressi à nomi di Femu a Corsica nant'à a situazioni attuali di a Corsica è a manera comu quissa quì hè gistita da l'autorità, i ministri Valls è Taubira in testa. Un'analisi duva i dui omi forti di u partitu ani sottulineatu a rispunsabilità di u Statu ind'a situazioni attuali, chì à parè soiu hà lacatu spannà si a criminalità urganizata in Corsica, è a speculazioni immubiliari è a frauda. Quissi quì ani dinò missu in risaltu a necessità di una suluzioni custituziunali à u prublema, d'appressu à elli mezu u più efficaci par avà. Una critica forti chì hà toccu dinò i suluzioni pruposti da i dui ministri, u rinforzu di l'effettivi pulizzeri è ghjudiziarii, chì rammenta propiu à Femu a Corsica u periudu Bonnet. Infini, Gilles Simeoni è Ghjuvan Cristofanu Angelini vedini guasgi com'è un'insulta à l'eletti tarrituriali a durata di a riunioni privista cù Manuel Valls luni da mani in Aiacciu, chì ùn trapassarà micca i 45 minuti.
On écoute Gilles Simeoni.
Sur le même sujet
