Femu a Corsica appelle à manifester samedi à Bastia
(A redazzioni d'Alta Frequenza) - Ssu marcuri, duranti una cunfarenza di stampa in Bastia, Gilles Simeoni, Ghjuvan Cristofanu Angelini è una parti impurtanti di l’eletti tarrituriali Femu a Corsica sò vultati annant’à parechji tematichi. C’era par asempiu è ben intesu quilla di i municipali, cù un bilanciu pusitivu. S’è Bastia, cù l’alizzioni di un’allienza diretta da Gilles Simeoni, hè a più bella riescita, u muvimentu ùn sminteca micca malgradu tuttu a dinamica inde l’altri paesi è cità di Corsica, cù parechji cunsighjeri municipali in più è cità emblematichi duva u partitu hà fattu crescia a so prisenza, com’è Purtivechju o Aiacciu, duva un cunsighjeru municipali vicinu à ssa famighja hà fattu u so ritornu ind’u cunsighju municipali ; vultaremi annant’à ssa tematica cù Ghjuvan Cristofanu Angelini ind’i nostri nutiziali chì venini. Più vicinu à noi, parchì hè dumani dopu meziornu (sabbatu), Femu a Corsica hà presu pusizioni di manera difinitiva pà a manifestazioni in Bastia di u cullettivu Simu di stu Paese cunfirmendu a so prisenza, ancu quilla di u merri di Bastia, ciò chì sarà una nuvità pà una manifestazioni simuli.
Steti à senta à Ghjuvan Cristofanu Angelini.
