Le Direct

Fabrice et Briac (Pékin Express) traversent la Corse au profit de la Ligue Contre le Cancer

Dui anziani participanti lla 12esima staghjoni di l’emissioni Pékin Express – in America Suttana – sò in Corsica pà una tappa llu so ghjiru di francia in bissicletta.

Issu ghjiru sulidariu hè fattu à prò di a Liga contru à u cancaru, è i doni si facini via u situ Globe Dreamers.

Briac è Fabrice si dispiazzani cù un cunduttori / cameraman è cù Freedom, un ghjacaru Jack Russel di 6 mesa. Ani da fà 10 000 chilomitra, in 6 tappi di 25 ghjorna.

Ripiddendu u cuncettu di l’emissioni, i dui amichi vani à u cuntattu lla pupulazioni, è dormini ind’è l’aienti.

Issu 9 d’austu, andarani da Corti à Lisula, è si lacarani a Corsica dumani.

Par Fabrice, si tratta chivi d’un mumentu d’emuzioni è di sulidarità, ind’iddu ci voli à dà tuttu. Hè ancu un beddu mumentu di spartera cù i cumitati righjunali lla Liga.

Steti lu à senta.

Briac, iddu, cursi di quissi ùn n’hà mai fattu, è dunqua si hè appruntatu pà u meddu. Ma, com’iddu a ci spieca, issu sforzu ùn hè nienti, à pettu à ciò ch’iddi patini ugni ghjornu i malati è i so famiddi.
Steti lu à senta.