Environnement : les dangers s'accumulent
(A redazzioni d'Alta Frequenza) - I calamità chì toccani a Corsica dipoi calchì annata cumenciani à inchietà di una manera seria tutti quilli chì si primureghjani di l'ambienti. È in materia d'ambienti, ùn si tratta micca solu di a difesa di l'acelli è di i picculi fiori di a Corsica, in ciò ch'ella t'hà di più preziosu, a so natura, soffri di cosi chì mettini in periculu parti impurtanti di a so ecunumia. Sicchia, fochi, frebba catarrhale, Taxifolia pà u mari, Cynips è Xylella Fastidiosa oramai, un batteriu chì tocca più di 200 spezii vegetali. Ùn sò micca solu l'arburi chì entrini ind'i filieri agriculi, alivi, agrumi, ma dinò vegetali d'ornamentu o naturali com'è i lecci chì custituiscini, ramintemula, una parti impurtanti di u vegetali di l'isula. Ind'è l'autorità pulitichi è agriculi di l'isula, tuttu ognunu pighja ssa minaccia cù assai seriu mandendu ind'a parti suttana di l'Italia, lochi assai tocchi da u dannu, una missioni spiciali d'usservazioni. L'usservazioni arrighjistrati sopralocu ùn sò micca bunissimi è sò parechji à dumandà a missa in ballu inghjiru à a Corsica di un "curdonu sanitariu".
Steti à senta à Jean Louis Luciani, u presidenti di l'ODARC.
