Environnement et littoral : la collectivité de Corse épinglée par la Chambre Régionale des Comptes
Via un raportu di rimarchi difinitivi, a Camara Righjunali di i Conti hà rimissu in quistioni a gistioni, fatta da a Cullittività di Corsica, di i pulitichi di presa in contu di i risichi è scumissi ambiintali in l’accunciamentu di u litturali llu maritarraniu.
Pà a Camara, « i ducumenta strategichi righjunali si patini un beddu ritardu. A Cullittività ùn l’hà firmati i so uriintazioni pà a gistioni di a limita trà tarra è mari, nè difinitu a so pulitica pà i spazia naturali sinsibuli, masimu par ciò chì tocca à l’acquistu fundariu ».
A Camara faci rimarcà chì « a Cullittività cuntinuvighja à gistì da par idda a maior’ parti di l’acquisti fundarii fatti à nantu à u litturali. Si hà ancu tinutu a gistioni di a riserva naturali di Biguglia, in cuntradizzioni cù i scelti fatti pà i sei altri riservi di l’isula.
[…] Da gisitunaria di i spazii prutetti, i so provi sò parfizziunevuli.
Pà l’avvena, li ci hà da vulè à essa più attenti, ch’iddi si trovini di manera più rigulara i strutturi di a gistioni. È li ci hà da vulè à dà si l’ardigni di cundutta uparaziunali, è à fiabilizà u so seguitu finanziariu ».
Infini, par ciò chì tocca à a comprita, par dui miliona, d’un tarrenu di 3,3 ettari in l’isula llu Cavaddu, a CRC faci rimarcà « ch’issa dicisioni hè stata presa in u quadru di u so drittu à a prianzioni, senza avè tutti i infurmazioni matiriali è ghjuridichi in fatti di natura, cunsistanza, statu è ligalità di i custruzzioni.
A Cullittività di Corsica si ritrova dunqua prupriitaria di custruzzioni in parti for’di legi, è appighjunatrici d’unu stabilimentu cumirciali da u quali ricusa, ad oghji, d’incascià i pighjoni.
Cinqui anni dopu à u so acquistu, a Camara rimarca chì u tarrenu ùn hà avutu accunciamentu in leia cù a so vucazioni di spaziu naturali sinsibuli, chì hè quantunca a fundalizia di a dicisioni di prianzioni ».
Sur le même sujet
