Enquête sur l'assassinat d'Antoine Sollacaro : les gardes à vue se poursuivent
(A redazzioni d'Alta Frequenza) - I guardi custodii cuntinueghjani pà l’inchiesta nant’à l’assassiniu di l’avucatu Sollacaro. Trè omi sò sempri intesi in Corsica è ind’u rughjoni di Parighji. Unu hè statu arristatu in Purtichju, è si saria, sicondu l’inchiestadori, sbarazzatu di un’arma quandu hè statu intarpillatu. Arma ritrova inde l’acqua. I trè parsoni chì sò intarrugati sò cunnisciuti da i servizii di pulizza, par essa, sicondu i pulizzeri, liati à u grandi banditisimu corsu o à affari intornu à a droga. Ricustituiscia u spartitempu è altri intarrugatorii pà pruvà à sapè com’è hè statu urganizatu iss’umicidiu, eccu ciò ch’elli facini dipoi u principiu di i guardi custodii i pulizzeri ; guardi custodii chì si devini compia dumani matina.
