Energie en Corse : Nicolas Sarkozy va faire une annonce
(A redazzioni d'Alta Frequenza) - Si sapparà forsa da quì à calchì ghjornu, ind'u quadru di a campagna eletturali, s'è l'annunziu pinsatu di un funziunamentu à u fuel lighjeru di a cintrali di Lucciana si cunfirmeghja. Iss'annunziu, dighjà sussuratu à parechji livelli di dicisioni, saria fattu da Nicolas Sarkozy, pà a so visita in Corsica. Si cunnosci, par disgrazia, a manera di viaghjà di a nova cintrali. In fatti, a tonna di fuel lighjeru costa 200 auri di più cà quilla di u fuel pisivu, è a scelta di issu cumbustibuli pà Lucciana custarà à l'uparazioni industrali à pocu pressu 150 millioni d'auri di più à l'annu. Prublema, s'è Lucciana viaghja à u fuel lighjeru, EDF vularà "tirà" in priurità nant'à u Vazziu, chì utilizeghja ellu un cumbustibuli assai minimu caru. Altru prublema dunqua, quali hè chì hà da pacà issa fattura pà parechji anni ? Frà altru aspittendu chì u gaz naturali ghjunghjissi in Corsica via qualsiasi mezu. Hè issu famosu annunziu chì pudaria arristà una scelta chì pò ghjunghja unicamenti da una dicisoni pulitica. Eccu a pusizioni di a cunfederazioni ghjinirali di i quadri d'EDF da a voci di Philippe Granju, u so raprisintanti à u cunsighju energeticu di a Corsica.
Écoutez Philippe Granju.
Sur le même sujet
