DSP maritime : ouverture d'une enquête par la Commission Européenne
(A redazzioni d'Alta Frequenza) - L'auturità aurupei di a cuncurrenza ani dicisu d'apra un'inchiesta scavata nant'à l'aiuti finanziarii ricivuti da a SNCM frà altru ind'u quadru di u serviziu cumplementariu. Hè dunqua un episodiu novu ind'a seria pulitica è ecunomica di u serviziu maritimu di a Corsica parchì chì stavolta, hè a Cummissioni Aurupea cù i so auturità di a cuncurrenza chì s'intaressa da vicinu vicinu à u cartulari di a dilegazioni di serviziu pubilcu. Più particularmenti, sò i soldi virsati à a SCNM è à a CMN pà u serviziu nant'à u portu di Marseghja chì ani fattu riagiscia membri di a cummissioni. Quissa quì t'hà dubbiti "nant'à a necessità è a prupurziunalità di l'ubligazioni di serviziu publicu è nant'à u mecanisimu di cumpensazioni". A nuzioni di serviziu publicu è u sustegnu in periudu chjavi facini dunqua parti di l'intarrugazioni di Bruxelles, chì voli verificà s'è nisun sopracumpensazioni hè stata fatta nant'à i dui cumpagnii è si i cundizioni liati à u sbuccià di u marcatu pudiani dà l'elementi nicisarii à una cuncurrenza vera duranti l'attribuzioni di a DSP di u 2007.
Sur le même sujet
