Drapeau à l'école des jardins de l'Empereur d'Ajaccio : réaction du Recteur d'académie
(A redazzioni d'Alta Frequenza) - Riazzioni nova dopu chì una bandera francesi sighi stata brusgiata è rimpiazzata da una bandera maruccana in a scola di i Jardins de l'Empereur in Aiacciu, quilla di u Rettori d'accademia Michel Barat in un cumunicatu. "In un cuntestu generali difficiuli, hè imperativu pà tuttu ognunu d'essa assai prudenti è d'avanzà nisun ipotesi annant'à i mutivazioni è l'autori di ss'attu gravi è stupidu pà chì, a ramentu, un'inchiesta di pulizza hè in corsu", dici Michel Barat. "Pudariani veda quì certi a manifistazioni di una radicalisazioni minuritaria, certi ci vidarani una pruvucazioni pà fà crescia i tinsioni trà i sfarenti cumunità. Cunveni dinò di tena tuttu u ghjudiziu nicissariu da fà chì ss'evenimentu da rigretta ùn ghjuvessi micca à nutriscia pusizioni ideulogichi spicifichi soprattuttu pà ssi tempi d'alizzioni", cuntinueghja u Rettori d'accademia.
Sur le même sujet
