Le Direct

Dossiers FIJAIT : Félix Benedetti, Jean-Marc Dominici et Stéphane Tomasini condamnés à 800 € d'amende

(A ridazzioni d'Alta Frequenza) - Ci hè statu marti u prucessu di Félix Benedetti, Jean-Marc Dominici è Stéphane Tomasini. Prucessu fattu parvia di u so ricusu ripitutu d’ùn suttimetta si à l’ublicazioni di u FIJAIT. L’affari faci pulemica chì sò aghjà parichji mesa. In principiu di prucessu, i trè omini vuliani leghja cullittivamenti una dichjarazioni, ma ùn l’hà intesa cussì, a prisidenti llu tribunali currizziunali di Bastia. Fatta fini chì u prucessu si hè fattu senza i trè omini, è senza mancu i so avucata. A cundanna hè stata d’ottu centu auri d’amenda par omu. Finita l’audienza, u Cullittivu Patriotti hà bluccatu u ghjiratoghju llu palazzu di ghjustizia. St’azzioni chivi ùn sarà l’ultima, chì ci pudaria essa una manifistazioni da quì à calchì sittimana. A visita pussibuli d’Emmanuel Macron in Corsica, soca ch’idd’ùn a si sfrancaria di l’ira di i militanti di Patriotti.

Stemu à senta à Félix Benedetti, à tempu isciutu da issu prucessu