Le Direct

Disparition de Pierre-Jean Poggiale, maire de Valle-di-Mezzana, à l'âge de 47 ans

Marti, a cumunità d’Agglumirazioni llu Paesu Aiaccinu hà fattu sapè ch’iddu si n’era mortu à 47 anni Pierre-Jean Poggiale, u merri di i Vaddi è a Mizana è viciprisidenti lla CAPA.
A CAPA rendi umaghju à un elettu « invistitu sempri à 100 % pà u paesu aiaccinu è pà i so abitanti. Ghjinirosu, era sempri prontu à tarruccà, o ancu à issu picculu gestu, à issa parolla chì dici tuttu. Era passiunatu da a natura, da u patrimoniu, è da a storia lla Corsica, è tandu prisidenti lla CAPA l’avia datu missioni di sviluppà i chjassi di u Patrimoniu par tuttu u paesu aiaccinu, è quiddu di i carbunaghji ind’è iddu ».
Marcuri à 3 ori, in ghjesia San’Micheli, in i Vaddi è a Mizana, si farà a cirimonia rilighjosa.
A Squadra d'Alta Frequenza prisenta i so dulianzi sinceri à i soi tutti.