Discussions avec le gouvernement : l'opposition à l'Assemblée de Corse associée à la réflexion
(A redazzioni d'Alta Frequenza) - Calchì ora nanzi à l'evenimentu di u disaccordu trà a maghjurità tarrituriali è i gruppi d'uppusizioni di diritta nant'à l'alizzioni di u sindicatu mistu di l'energia di Corsica Suttana duranti a seenza publica di l'Assemblea di Corsica ssu marti, Gilles Simeoni è Ghjuvan Guidu Talamoni aviani adunitu i presidenti di tutti i gruppi. U scopu : amintà u metudu à metta in ballu pà i neguziati chì venini cù u guvernu. Si trattava di truvà un accunsentu inghjiru à parechji punti, pà pudè pighjà da quì à calchì ghjornu risuluzioni cù una pusizioni cumuna, tuttu què mentri ch'ellu hè privistu un prima appuntamentu luni chì veni in Matignon cù u Prima ministru. Una dimarchja chì parti da un sintimu bonu, d'appressu à Jean Martin Mondoloni, pà quali inveci hè propiu nicissariu chì a Cullittività di Corsica si mittissi à u travaghju subbitu nant'à tutti i sughjetti chì toccani i Corsi, pocu impremi u risultatu racoltu in Parighji.
Steti à senta à Jean Martin Mondoloni.
