Des contrôles jusque dans les assiettes des restaurants
(A redazzioni d'Alta Frequenza) - U prifettu Corsica Suprana, Louis Le Franc, hà prisintatu vennari scorsu cù i servizii di u Statu a campagna d'istati di u 2012. A priurità sarà fatta à a securità stradali, un scopu di pettu frà altru à l'ottu morti in un mesi nant'à i stradi di u dipartimentu. Un sciffru chì u prifettu ùn voli più ricunnoscia ; un affari chì si traduciarà da cuntrolli impurtanti nant'à i lochi à risicu, frà altru in Balagna, cù un'attinzioni particulari nant'à l'abusu d'alcool è a cunsumazioni di droghi. Com'è ogni istati, i risichi naturali in muntagna è in mari sarani usservati da vicinu, postu chì quissi quì sò numarosi ind'a nostra isula. A salubrità publica sarà dinò assai inquadrata cù parechji cuntrolli d'igieni ind'è i cumircianti, è verifichi nant'à l'acqua, quilla dinò di i piscini di i centri d'asgi, par asempiu. Frà tutti issi tematichi di a campagna d'istati di a prifettura di Corsica Suprana, ci si trova quilla di a cuncurrenza è di a riprissioni di i fraudi. Di fattu, ind'a risturazioni, com'è ogni annu, parechji cuntrolli sarani rializati da assicurà à i clienti una nutritura sana ind'u so piattu, i più difficiuli essendu cundannati da a simplici amenda à a sarratura amministrativa. Dinò, i cuntrafatturi, alimentarii o altri, sarani ricircati particularmenti da l'agenti di i servizii di u Statu cuncirnati, chì travaghjarani cù l'urganizatori di i fieri. Infini, parchì chì hè dinò cunsumazioni, i centri di vacanzi è d'asgi sarani ispittati da assicurà a securità di l'usadori.
Écoutez Francis Lepigouchet, directeur départemental adjoint de la cohésion sociale et de la protection des populations.
Sur le même sujet
