Déclarations de patrimoine minorées : de la prison avec sursis requise contre le sénateur Joseph Castelli
(A ridazzioni d'Alta Frequenza) - U sinatori llu Cismonti, Joseph Castelli, passaia marti davanti à u tribunali currizziunali di Bastia, parvia d’un signalamentu à l’Alta Auturità pà a Chjarura lla Vita Publica. Li si rimpruvarighja d’avè calatu è bè dui dichjarazioni llu patrimoniu in u 2014, prima da cunsiglieri ghjinirali llu Cismonti, è dopu da sinatori. In cori à iss’affari, a so risidenza principali, in a Penta di Casinca, ch’iddu hà stimatu à 353000€, ma valutata à 780000€ da quiddi chì inchiestani,è à pena da supra à u millionu da France Domaines. In tribunali, Joseph Castelli hà dittu ch’iddu ci era un pocu di lascia corra, ma in tutta sincirità quantunca. A pracura, idda, pensa, partindu da l’elementi missi in stu cartulari, ch’idd’hè un sbagliu fattu à posta, par ingannà. Pà u ministeru publicu, Monique Pla hà dumandatu trè mesa di prighjoni attimpati, è 20000€ d’amenda. L’avucatu Patrick Maisonneuve, iddu, hà dumandatu ch’iddu sichi lintatu u so clienti, Joseph Castelli. U ghjudicamentu sarà pà u 23 d’uttrovi.
Stemu à senta à Patrick Maisonneuve
Sur le même sujet
