Décès de Marc Kanyan, ancienne gloire du football Corse
¨Photo Via Stella
Hè mortu issu sei di ghjinnaghju à l’età di 80 anni Marc Kanyan, u ghjucadori calidunianu. Marc Case, dittu Kanyan, t’avia una leia forti cù a Corsica, una leia forti è viva sempri ancu dopu à a so vita di ghjucadori di ballonu.
Issendu si fattu rimarcà da u Gazelec di Pierre Cahuzac mentri una turnata in Canacchia, avia datu cunfirma di u so talentu cù u SEC Bastia.
Dopu ad avè fattu veda i so qualità in Aiacciu, era statu silizziunatu pà i Ghjochi Olimpichi di Messicu in u 1968.
Incù Bastia, hà participatu à a finali lla Cuppa di francia contru à l’OM, in u 1972.
U Sporting, po’ Nîmes è Aiacciu un’altra volta, eccu ciò ch’idda fù in gran’parti a carriera d’issu ghjucadori accizziunali, un omu di cori.
Finitu u so tempu di spurtivu prufiziunali, si n’era turratu in Canacchia, cù a so famidda fium’urbaccia d’urigina, impignendu si in a pulitica lucali.
A Corsica perdi unu di i soi. A Fidirazioni Caliduniana di u ballonu pienghji « unu di i so « babbi », chì hè statu à l’urigina di l’emancipazioni in metropula di i ghjucadori caliduniani ».