Début du moi(s) sans tabac pour arrêter de fumer
(A redazzioni d'Alta Frequenza) - Cù ssu mesi di nuvembri, principia u mesi senza tabaccu, pà piantà di fumà. Un kit hè prupostu di gratisi à i vulintarii chì ani dicisu di falla finita cù u tabaccu. Ci voli à sapè chì u fattu di piantà di fumà mentri un mesi sanu multiplicheghja pà 5 i pussibilità di piantà di manera difinitiva, ciò chì spiega l’intaressu maiò di a dimarchja. Vultaremi nant’à ssu sughjettu impurtanti ind’i nostri nutiziali è emissioni chì venini, par asempiu cù a prisintazioni d’una dimarchja urighjinali, chì accumpagna ssu mesi in u quadru di u 14esimu Fistivali Internaziunali di i Figuretti d’Aiacciu.
