Le Direct

Scontru arranghjatu in liga 2 : Inchiesta ammininstrativa

Sò uni pochi di ghjorna chì a FFF faci una inchiesta ammininstrativa, suspittendu unu scontru arranghjatu trà Sochaux è Grenoble, pà l’ultima ghjurnata llu campiunatu di Liga 2.

Dici u ghjurnali l’Equipe, in a so edizioni di duminica, ch’una prima inchiesta hè stata aparta ghjovi da a pracura di parigi.

Hè u sirviziu cintrali lli cursi è ghjoca chì s’accupa d’issu cartulari, è chì circarà à sapè s’idd’hè stata arranghjata à veru issa partita.

Hè issa vittoria di Sochaux, aghjustata a disfatta di u Gaz contru à u parigi FC pà a stessa ghjurnata, chì hà custrettu i Diavuli Russi à ghjucà i partiti di mantinimentu chì l’ani mandatu in campiunatu naziunali.

I risultata d’issa inchiesta sò più chè aspittati in Corsica. Una altra partita hè dinò suspittata pà i stessi cosi, quidda trà Rodez è Lyon-Duchère, in campiunatu naziunali. Si parlarà forsa d’issi cosi in l’edizioni à vena.