Début d'un conclave où la Corse sera doublement représentée
Photo : Davide Cacciatori - Pexels
Incù chjavi, à chjus’usciu è in sicretu, si hà da attaccà marcuri à u Vaticanu, in a Capedda Sistina, l’alizzioni di u Papa.
Mezu à i 133 cardinala chì t’ani u drittu di vutà, ci sò dui riprisintenti lla Corsica.
Unu hà da riprisintà u populu corsu issendu corsu iddu stessu : u cardinali Dominique Mamberti hà da avè a carica simbolica è storica di lintà u famusissimu « habemus papam », cacciata a pussibilità ch’iddu sichi elettu iddu, ma quissa ùn duvaria succeda...
Quidd’altru hà da riprisintà u populu corsu via a so funzioni, u cardinali François-Xavier Bustillo issendu u vescu d’Aiacciu, in carica di a Corsica.
Beddu in vista è priziatu da u difuntu Papa Francescu, hè cunsidaratu – ma à pena à a longa – com’è unu di quiddi chì pudariani essa eletti : ma ùn hè tantu ch’iddu hè cardinali, è pari ghjovanu quantunca, par pratenda à a sedia di u Supranu Puntifici.
Sur le même sujet
