Débat très suivi à Corti autour de la dérive mafieuse en Corse suite à l'assassinat de Massimu Susini
Photo : Julien Pernici
Duminica in Corti, parichji cintunari di parsoni si sò accolti, da unurà a mimoria di Massimu Susini, assassinatu in Carghjesi, è da participà à un dibattitu ch’idd’urganizaia Cori in Fronti, par parlà di a malavia maffiosa chì tocca a Corsica.
A chjama ùn issendu cunfinata, in l’intinzioni, à u mondu naziunalistu, erani quantuncabsupr’à tuttu militanti è eletti d’issa tindenza à essa prisenti, ancu puri s’iddi si sò visti uni pochi di parsoni lla sucità ditta « civili ».
Hè da nutà chì u prisidenti di l’esecutivu, Gilles Simeoni, ùn era chivi, issendu scusatu. Un scrittu di soiu hè statu lettu. Jean-Guy Talamoni, u prisidenti di l’Assemblea, ùn ci era mancu iddu.
Parichji punti di vista sò affaccati in issu dibattitu, chì certi volta pariani cuntrarii. Ma u custatu hè statu par tutti u stessu : pocu impremi chì l’affari si chjami maffia o altrimenti, u fattu si stà chì a Corsica hè à a malavia, parvia di certi gruppi chì si vurriani piddà in manu a so ecunumia.
Stemu à senta à Paul-Félix Benedetti, di Cori in Fronti, chì ci dà a so imprissioni à l’escia d’issu dibattitu.
À mezu à tutti l’intarventi, unu hà marcatu l’aienti, hè statu quiddu di Ghjuvan’Santu Plasenzotti, u ziu di Massimu Susini. À senta lu, in Carghjesi, sò parichji à sapè parchì hè mortu u so nipoti. Hà dittu chì Massimu Susini si saria uppostu fisicamenti à una banda di Carghjesi, liata à bandi più impurtanti d’Aiacciu. Hè par quissa chì, sabbatu prossimu, Ghjuvan’Santu Plasenzotti voli metta in anda un cullittivu anti-maffia in Carghjesi.
À pena dopu, Ghjuvan’Santu Plasenzotti si hè uppostu cù forza à un discorsu di François Sargentini, chì dicia ch’ugnunu t’avia a so parti di rispunsabilità in issa malavia chivi.
Stemu à senta à Ghjuvan’Santu Plasenzotti
Sur le même sujet
