Corsisation des emplois : un débat décomplexé
(A redazzioni d'Alta Frequenza) - A cartula à prò di l'impiegu lucali, quilla chì punia un prublema in Corsica dipoi una trentina d'anni à u minimu, era in discussioni arimani (marti) à l'Assemblea di Corsica. Ghjuvan Guidu Talamoni avia invitatu a raprisintazioni di u mondu suciali è ecunomicu di Corsica pà dibatta nant'à un sughjettu difficiuli, chì sò numarosi à chjamà cursisazioni di l'impieghi. Pighjendu com'è basa di travaghju ciò chì si faci in altrò, in a Riunioni, in a Guadaluppa è ancu in a cità di Parighji à prò di l'impiegu lucali, l'intarvinanti ani scurticatu tutti i meccanisimi chì facini chì oghji a Corsica t'hà più di 22 000 disimpiegati, mentri chì 4 000 impieghi sò sempri libari. L'Esecutivu di Corsica era guasgi sanu arimani (marti) duranti ssa riunioni impurtanti. Una strada tamanta hè stata fatta dipoi u tempu induva ssu tema di a cursisazioni di l'impieghi facia rachjà parechji rispunsevuli pulitichi o sindicali; hè cusì chì Gilles Simeoni hà prisintatu u dibattitu attuali.
Eccu l'intervista di u presidenti di l'Esecutivu di Corsica.
Sur le même sujet
