Corsica Libera veut répondre par la concertation et le débat à la politique répressive de l'Etat
(A redazzioni d'Alta Frequenza) - L'esecutivu di Corsica Libera s'hè adunitu ssu luni in Corti par amintà a situazioni pulitica è riprissiva. In un cumunicatu di stampa ghjuntu ind'a nostra redazzioni, u muvimentu faci sapè chì "dopu à l'evenimenti di ss'ultimi sittimani, caratterizati da u fattu chì i diritti di u populu corsu ùn sighini micca stati rispittati è i so istituzioni sprizzati, Corsica Libera pighja l'iniziativa d'invità tutti i forzi vivi di Corsica à una riunioni di cuncirtazioni pà pudè dicida di una riazzioni cullittiva pulitica di pettu à a strategia di blucchimi è di tinsioni imposta da Parighji chì metti in periculu u prucedimentu purtatu dipoi u 2010 da l'Assemblea tarrituriali. Ssa riunioni sarà urganizata u sabbatu u 18 d'uttrovi à 3 ori à l'Università di Corsica (facultà di dirittu)".
