Corsica Libera fait une rentrée politique critique envers Femu a Corsica
Sabbatu, hà fattu a so riintruta pulitica Corsica Libara. È, ùn hè nienti à dì la, l’affari ùn sò cusì lisci trà u muvimentu indipindintistu è unu di i so soci di Pà a Corsica, vali à dì Femu a Corsica.
À l’orisonti lli municipali, Corsica Libara faci a critica d’un passaghju da u Naziunalismu à un postnaziunalismu ch’idd’avaria fattu Femu a Corsica : i fundamintali lla lutta sò suttivoci o zitti, è a pulitica ùn hè più chè gistioni.
Masimu chì par Corsica Libara, ùn poni capì, i corsi, chì l’unioni Pà a Corsica ùn sichi fatta pà i municipali.
Par ciò chì tocca à Bastia, Corsica Libara dici chì discussioni cù a maiurità ùn ci n’hè, ma dici quantunca ch’idd’aspetta dinò un pocu par veda s’idd’affacca calcosa, innanzi di piddà dispusizioni altri.
Corsica Libara hà cundannatu di manera ferma i scritturi numinativi fatti a duminicata scursa à nantu à i muri, è chì mittiani in causa à Carlu Pieri, membru di l’esecutivu llu muvimentu, ma dinò altri parsoni. Quissa hè, pà u muvimentu, una manipulazioni à l’usu di i barbusi.
Stemu à senta à Eric Simoni à nomu di Corsica Libara
Sur le même sujet
