Compagnie régionale maritime : le rapport sur la SEM d'investissement adopté
(A redazzioni d'Alta Frequenza) - U cartulari nant'à a Cumpagnia tarrituriali d'Investimentu è di spluttazioni di u sirviziu marittimu trà a Corsica è u cuntinenti hè statu aduttatu ssu ghjovi da l'Assemblea di Corsica. Una SEM d'investimentu chì sarà u locu pà l'acquistu di i dui battelli neguziati in bè di ritornu, u Paglia Orba è u Monte d'Oru, cù prumessi di vendita chì sarani studiati da qui à u vaghjimu. Parmittarà dinò l'acquistu è u rinnovu di i battelli, com'è quilli viaghjendu grazia à energii novi à l'avvena è didicati à i cumpagnii di spluttazioni. Una SEM d'investimentu ch'è no pudariami qualificà di prima pianu di a "fusea" cumpagnia regiunali, nanzi à tappi novi maiò, com'è da quì à u mesi d'uttrovi a custituzioni di i dui SEMOP, sucità d'ecunumia mista cù uparazioni priuritaria pà a cuntinuità tarrituriali marittima futura.
Steti à senta à Ghjuvan Filici Acquaviva, pà quali a sissioni di ssu ghjovi era l'ultima cù a funzioni di presidenti di l'Uffiziu di i Trasporti di a Corsica.
Sur le même sujet
