Communication du STC du SDIS 2B : François Orlandi réagit
(A redazzioni d'Alta Frequenza) - In un cumunicatu, u presidenti di u SDIS di Corsica Suprana, François Orlandi, faci cunnoscia "a so surpresa dopu à u cumunicatu è i discorsi duranti a cunfarenza di stampa di u Sindicatu di i Travaghjadori Corsi di u SDIS 2B u ghjovi u 2 di ghjunghju, mentri chì un protocollu d'accordu signatu da ssu sindicatu prividia a missa in ballu di un dialogu suciali rinnuvatu". "In un cuntestu induva l'efficenza uparaziunali di u SDIS 2B grazia à l'impegnu di tutti i so attori hè ricunnisciuta à l'unanimità, mi dispiaci chì cumunicazioni tucchessini i quadri di u nostru stabilimentu", cuntinueghja ss'ultimu. "Vogliu assicurà di u me sustegnu tutali l'insemi di i quadri spinghjifochi prufiziunali, vulintari, amministrativi è tennichi, eppo a so direzzioni. Li facciu torna cunfidenza in a so azzioni d'ogni ghjornu", dici dinò François Orlandi.
