Communauté d'Agglomération de Bastia : la nouvelle convention de service public de transports en commun adoptée
U Cunsigliu lla Cumunità dAgglumirazioni di Bastia n’hà datu validazioni : toccu u primu di ghjinnaghju, a reti lli trasporti in cumunu sarà rinova.
Pà i trè anni à vena, ferma u stessu u diligatariu, ma a reti cambia nomu : ViaBastia avvinghjarà un traghjettu novu, com’idd’hè stata ditta calchì sittimana fà.
U bughjettu annincu sarà di 4,6 miliona d’auri, da suttu di 200 000€ à quiddu attuali. Chilomitra, inveci, ci ni sarà 165 000 di più.
U bigliettu passa da 1€30 à 1€50, è u carnettu di 10 biglietta passa da 7 à 10€.
L’abbunamentu misincu ferma u stessu par quiddi chì pagani u prezzu pienu.
Ma a vera nuvità hè chì u prezzu di l’abbunamentu pò varià sicondu a situazioni lla famidda, par ghjunghja ni ancu à essa gratisi. Issi calati duvariani tuccà 6 000 parsoni.
Pà l’anziani, l’abbunamentu annincu passarà da 20 à 30 auri, o da 50 à 60 par quiddi chì pagani i impositi.
Ma, com’iddu a spieca u prisidenti lla CAB, certi anziani ch’impositi ùn ni pagani pudariani binifizià di l’abbunamentu gratisi.
Infini, Louis Pozzo di Borgo hà dittu ch’idda ùn ci saria più a navetta gratisi in cor’di cità, paragunendu la à un carruleddu ch’ùn si ferma chè à a dumanda, chì favurizighja i traghjetta stracurti è faci cuncurrenza à a ligna principali.
Steti à senta u prisidenti lla CAB.
L’uppusizioni rigreta a fini d’issa navetta gratisi, è s’inchieta d’un pighjurì di a ghjunta lli bus in certi loca, in i quartieri sud : à certi abitanti d’issi loca, li tuccarà à cambià ligna par ghjunghja in centru cità.
Steti à senta à Jean Zuccarelli.
