Chambre régionale des comptes : Paul Giacobbi esquive la discussion
(A redazzioni d'Alta Frequenza) - Ambiu pisivu ssu vennari à l'Assemblea di Corsica à l'uccasioni di a cumunicazioni, è micca di u dibattitu, nant'à u raportu di a camara regiunali di i conti. Ci arricurdemi di un preraportu di a listessa camara, chì avia missu in evidenza un debbitu impurtanti, di più di 100 millioni d'auri, lacatu da a mandatura scorsa è liatu à l'eserciziu bughjettariu 2015. Dapoi tandu, a CRC hà datu un avisu difinitivu, è i cunclusioni sariani i listessi. A littura di u listessu raportu è di i listessi sciffri, è ancu di i listessi cunclusioni, ùn inghjenna micca i listessi parè. Mentri una cunfarenza di stampa in principiu di dopu meziornu, Paul Giacobbi hè vultatu nant'à l'analisi di ssu raportu. Hà accertatu i dichjarazioni duranti a prima discussioni à l'Assemblea di Corsica. Ssu vennari, Paul Giacobbi hà avutu un'antra strategia. Hè partutu da l'Assemblea nanzi u principiu di ssu dibattitu pà i raghjoni ch'ellu hà spiegatu à a stampa.
Steti à senta à Paul Giacobbi.
