CFA de Haute-Corse : zoom sur les formations en électricité et aux métiers de bouche
U CFA llu Cismonti, chì conta circa 800 amparini, hà prupostu marcuri una ghjurnata à porti aparti, attimpata dighjà parichji volti parvia di u Covid.
I ghjovani in circa di suluzioni pà u so avvena o i diplumati di l’insignamentu supiriori ch’ùn a li facini à truvà un travaddu ani pussutu lintà un ochji à i sissanta furmazioni pruposti. Issi furmazioni poni aiutà à truvà un impiecu, o ancu à metta in anda una impresa.
Parichji mistiera sò insignati à u CFA, ma i furmazioni i più dumandati toccani à u BTP, à i mistiera di bucca è à i sirivizia à a parsona.
Un sestu di l’effettivi sceddi a sizzioni elettricità è elettronica, chì sbucca à nantu à parichji pussibilità di travaddu. Certi ancu, si poni stallà à contu soiu cù issi furmazioni.
Steti à senta à Laurent Vincenti, fumatori dipoi u 2009 à u CFA llu Cismonti.
Altra attività chì viaghja bè, quidda lli mistiera di bucca, chì ripiddani fiatu dopu à a passata llu Covid.
Albergu, risturazioni, panittaria, pastizzaria, maceddu… I pussibilità ci sò à veru.
Steti à senta à Didier Maurizi, chì s’accupa di i mistiera di bucca à u CFA llu Cismonti.
Sur le même sujet
