Catastrophe de Furiani : le devoir de mémoire transmis aux collégiens
Ani da fà 33 anni à luni ch’idda si hè sfraiata a tribuna pruvisoria di u stadiu Armand Cesari, eretta à pezzi è à bucconi innanzi à u scontru di cuppa di francia trà Marseglia è Bastia : sò morti tandu 19 parsoni, è più di 2 300 sò stati ferti.
Issa sittimana, à calchì ghjornu d’issu pessimu annivirsariu, più di 200 elevi di cinqui culleghja di u Cismonti sò stati invitati à u stadiu in Furiani, ind’iddi ani trasmissu i vittimi è l’attori di tandu i so ricordi, par mantena a mimoria d’issu drama.
Un’iniziativa di gran’primura pà u rittori d’accademia, chì cunsidarighja ancu iss’uparazioni com’è un mezu di trasmetta i valori di spartera ch’iddu duvaria purtà u sport.
Steti à senta à Rémy-François Paolini.
Certi di i cullighjanti i cunnisciani l’evenimenti di u cinqui di maghju di u 1992, ch’erani stati tocchi parsoni di a so famidda.
Par tanti altri, hè ghjuvata iss’uparazioni à dà li a misura di ciò ch’iddu hè statu à veru issu straghju.
Steti à senta à Chloé, à Océane, à Celia è à Don Jacques, elevi di u culleghju di Biguglia.
