Calvi : Agression d'un pompier dans l'exercice de sa mission
(A ridazzioni d'Alta Frequenza) - Un spinghjifocu di Calvi hè statu attaccatu duminica da a parsona ch’iddu avia succorsu.
L’intarvinzioni di succorsu si hè fatta in prisenza lli forzi di l’ordini, è l’omu hè statu purtatu senza nisciun’difficultà versu l’AMU di Calvi.
Ma tandu, si hè fattu viulenti l’omu, è si n’hè presu à unu di i spinghjifoca chì l’accumpagnaia. À quissu, li ci hè vulsutu una intarruzzioni llu travaddu di deci ghjorna.
In u so cumunicatu, u SIS llu Cismonti cundanna di manera ferma issa viulenza. Ùn si pò adimetta un attu cumpagnu, dici u SIS2B, chì pricisa ch’idda ci sarà una lagnanza sposta da i so sirvizia.
U SIS llu Pumonti hà cundannatu ancu iddu iss’attu.