Cafouillage administratif dans l'attribution de permis de construire: sentiment du maire de Vero
(A redazzioni d'Alta Frequenza) - I merri di Corsica Suttana, raghjunti podassi da quilli di Corsica Suprana, è cù a so sciarpa cinta, s'adunisciarani davanti à l'Assemblea di Corsica à l'uccasioni di a sissioni chì veni. In fatti, i merri si ritrovani in una situazioni assai cumplicata, in tutti i casi quilli chì ani ancu datu à a so cumuna un pianu lucali d'urbanisimu. Sperani d'uttena risposti chjari è pricisi nant'à l'imbrogliu amministrativu inghjiru à l'attribuzioni di i parmessi di custruiscia. Tutti i ducumenti d'urbanisimu attuali, POS, PLU o carti cumunali, ùn sarani più valevuli à partasi di u 1a d'uttrovi di u 2018 pà riveda tuttu in u quadru di l'appiecazioni di u Padduc. Prublema : i dumandi d'apprubazioni di PLU missi in ballu da i cumuni chì ùn n'ani ancu voltani in ssu mumentu cù avisi negativi di l'Agenza di l'urbanisimu, di u Statu o ancu di i camari d'agricultura. Legi ALUR, PADDUC, rigulamentu naziunali di l'urbanisimu, un veru casticu chì annigrisci i menti di parechji merri.
Christian Leca hè quillu di Veru è ci dici a so inchietudini.
Sur le même sujet
