Bonifacio : la jurisprudence qui pourrait conduire à une catastrophe
(A redazzioni d'Alta Frequenza) - U merri di Bunifaziu, Jean-Charles Orsucci, tinia eri dopu meziornu (marti) una cunfarenza di stampa, da arricà pricisioni di pettu à una dicisioni di a Corti Amministrativa di Marseghja di u 16 di maghju, contr'à a cumuna. In fatti, dopu ad avè ricusatu in u 2008 un parmissu di custruiscia à un particulari pà deci casi di 116m2 individuali nant'à un tarrenu fora di qualsiasi urbanisazioni, a cumuna di Bunifaziu hè stata cundannata una prima volta, dendu raghjò di fattu à u particulari, eppo in appelu cù in più 2 000 auri à virsà à iss'ultimu. Custruzzioni chì rispondini à a difinizioni di un "paisolu novu integratu à l'ambiu". Si tratta quì di un'eccezzioni di a legi Litturali, chì, d'appressu à l'aghjuntu à u merri rispunsevuli à l'urbanisimu, Patrick Tafani, "pudaria essa a porta aparta à svianzi speculativi inde l'immubiliari". Mentri chì a cumuna pudaria andà in cassazioni davanti à u cunsighju di Statu, issa "ghjurisprudenza" pudaria inghjinnà cunsiquenzi maiò pà l'avvena.
Écoutez Patrick Tafani.
Sur le même sujet
