Le Direct

Bastia : le groupe communiste du conseil municipal dénonce l'explosion du budget du chantier de l'Aldilonda

L’Aldilonda, issa verga in custruzzioni chì devi avvinghja a Citadella di Bastia, impinsirisci l’uppusizioni : parolli acerbi in cunsigliu municipali ch’hè pocu, eppo’ ultimamenti, un cumunicatu di u gruppu cumunistu.

Quissu chivi voli metta à palesu un duppiamentu llu bughjettu annunciatu trè anni fà, chì passaria da 5 à 10, 5 miliona d’auri. Par essa più pricisi, si tratta d’un supr’à più di 2, 29 miliona d’auri, vutatu par raghjoni tecnichi à senta a maiurità, è chì disturba à veru u gruppu cumunistu : par iddu, a missa in anda d’issu prughjettu si hè fatta troppu in furia, è parvia di calculi di pulitichedda.

Dumanda ancu una spirtizia llu Cumitatu Scintificu lli Tecnichi llu Bastimentu, par ciò chì tocca à a ribustezza lla verga, ghjustifichendu la cù i timpurala ch’ani toccu à Bastia ch’ùn hè tantu.

Stemu à senta à Francis Riolacci pà u gruppu cumunistu