Bac 2016 : témoignage d'un professeur de philosophie d'Ajaccio
(A redazzioni d'Alta Frequenza) - A sissioni 2016 di u bascigliè hè principiata dunqua ssu marcuri cù una tradizioni, a famosa prova di filusufia pà i candidati di Corsica è d'altrò. Com'è sempri, t'aviani a scelta trà trè sughjetti, dui dissertazioni è una spiegazioni di testu. In literariu, induva a filusufia t'hà u cuefficenti u più altu (7) : I nostri cunvizzioni murali s'arrembani nant'à a sparienza ? U desideriu hè senza limita di natura ? È una spiegazioni di testu di Hannah Arendt. In Ecunomicu è Suciali, cuefficenti 4 : Sapemi sempri ciò ch'è no vulemi ? Parchì t'avemi intaressu à studià a Storia ? È una spiegazioni di testu di Descartes. In Scentificu, cuefficenti 3 : Travaghjà menu, hè campà meghju ? Ci voli à dimustrà pà sapè ? È una spiegazioni di testu di Machiavel. Infini ind'i serii tennulogichi : Par essa ghjustu, basta ad ubidiscia à i legi ? Pudemi sempri ghjustificà i nostri cridenzi ? È una spiegazioni di testu di Merleau Ponty. Emi racoltu u sintimu di un prufissori di filusufia, pà quali u più impurtanti hè chì l'elevi imparessini à custruiscia di una manera assestata è ghjusta u so raghjunamentu.
Steti à senta u sgiò Malka, prufissori di filusugia in u liceu Fesch d'Aiacciu.
