Assemblea di a Ghjuventù : un outil démocratique majeur pour Jean-Guy Talamoni
(A redazzioni d'Alta Frequenza) - L'Assemblea di a Ghjuventù hè stata stallata di manera ufficiali marti. Ramintemi ch'ella hè cumposta di 62 membri trà 16 è 25 anni, cù in più u presidenti di l'Assemblea di Corsica à u so capu, nant'à u mudellu di l'Assemblea di a futura Cullittività di Corsica. T'hà quattru culleghji cuistuiti da studienti di l'Università di Corsica, di ghjovani attivi, di liceani è di candidati individuali. Un'istanza nova cù un avisu cunsultativu è chì hà da viaghjà grazia à sfarenti cumissioni liati frà altru à a cultura, a lingua, l'ambienti, l'affari suciali, l'educazioni, a furmazioni, u sviluppu ecunomicu o ancu i trasporti è l'affari aurupei. Pà Ghjuvan Guidu Talamoni, si tratta d'intarissà i ghjovani corsi à a pulitica in u so sensu u più nobuli, fenduli participà à l'affari publichi di l'isula. Hè dinò una manera, sicondu u presidenti di l'Assemblea di Corsica, di riducia u fossu trà i puliticanti è u populu.
Steti à senta à Ghjuvan Guidu Talamoni.
