Arrêtés Miot et fiscalité : ce qu'en pense Edmond Simeoni
(A redazzioni d'Alta Frequenza) - U cullettivu pà a difesa di l'arresti Miot hè statu ricivutu arimani (marcuri) da u prifettu di Corsica. A dilegazioni custituita da l'associ di merri di i dui dipartimenti, da i raprisintanti di i camari d'agricultura, di cumerciu è di i mistieri, da l'Associu di l'Eletti di a Muntagna, u CESC, u presidenti di a FNAIM, Edmond Simeoni è a Lega di i Diritti di l'Omi, era purtata da Alain Spadoni, presidenti di u Cunsighju Righjunali di i nutarii di Corsica.Un intrattenu cù Patrick Strzoda chì hè statu piuttostu bonu à parè di tutti, cù un ritornu muderatu di a cunfidenza, ma senza altru affari. Pà Edmond Simeoni, chì hà fattu parti dipoi anni è anni à parechji cullettivi, issu cartulari custituisci una prima prova pà u Statu, pà quali iss'ultimu "lotta di manera permanenti pà micca ricunnoscia a specificità fiscali di a Corsica" ; una prima prova, ind'u quadru di u prublema custituziunali è istituziunali in ghjinirali.
Écoutez Edmond Simeoni.
Sur le même sujet
