Le Direct

Annulation des municipales de L'Ile-Rousse : installation d'une délégation spéciale

(A redazzioni d'Alta Frequenza) - Dopu à a dicisioni di u Cunsighju di Statu di u 19 di dicembri cunfirmendu a dicisioni di u Tribunali amministrativu di Bastia chì hà annulatu u risultatu di l'uparazioni eletturali di l'alizzioni municipali di L'isula Rossa, u Prifettu di Corsica Suprana hà sceltu a dilegazioni spiciali in carica di fà viaghjà a cumuna. Hè cumposta di 3 parsoni : Pierre Paul Cruciani, ispittori generali di i dugani à a ritirata; Jacques Limoges, sottu prifettu à a ritirata è Jeanne Maraninchi, ufficiali di l'Armata di Tarra à a ritirata, dilegata di u Prucuratori. A dilegazioni spiciali hà da eleghja duranti a so prima riunioni u so presidenti chì t'hà i puteri di pulizza di u merri è agisci in qualità d'agenti di u Statu. Ramintemi chì a dilegazioni empii i funzioni di l'anzianu cunsighju municipali, limitati à l'atti d'amministrazioni cunservatoria è urgenti pura. T'hà dinò a missioni d'appruntà l'alizzioni di u prossimu cunsighju municipali. I puteri di a dilegazioni spiciali sarani compii quand'ellu sarà stallatu u novu cunsighju elettu dopu à l'alizzioni. Da un'antra banda, i dati di cunvucazioni di l'alittori sarani cumunicati da quì à pocu.