Alain Spadoni: "la terre, c'est la racine d'un peuple"
(A redazzioni d'Alta Frequenza) - U ministru di l'Internu, un novu ministru di l'Internu si pudaria dì, sarà in visita in Corsica pà dui ghjorni. U mumentu u più forti di a visita sarà custituitu dumani (ghjovi) da u scontru cù a raprisintazioni pulitica di l'isula. U Cullittivu di a Sucità Civili, è u so numaru unu Alain Spadoni, chì cunnoscini bè à Bernard Cazeneuve par avè lu scuntratu parechji volti par ammintà u famosu cartulari di i diritti di successioni in Corsica quand'ellu era ministru di u Bughjettu, ùn sarani micca ricivuti ssu ghjovi da u ministru di l'Internu. U Cullittivu di a Sucità Civili hà mandatu ssu marti una lettara à Marylise Lebranchu, ministra di a Dicintralisazioni, di a Riforma di u Statu è di a Funzioni Publica pà dumandalli chì sò i dispusizioni ch'ellu pruponi u Guvernu da fà chì i citadini di Corsica si ritruvessini ind'una situazioni d'egualità à nomu di un fundamentu di a Custituzioni, quillu di u Dirittu di Pruprietà. U Cullittivu spera chì ssu cartulari sarà ammintatu duranti i scambii trà Bernard Cazeneuve è a raprisintazioni pulitica isulana dumani.
Steti à senta à Alain Spadoni.
