Ajaccio : la municipalité part en croisade contre les incivilités
(A redazzioni d'Alta Frequenza) - Pianu di lotta contr’à l’incivilità : semi tutti rispunsevuli. Tocca à voi ! L’intitulatu sceltu pà u cartulari di stampa prisintatu vennari in casa cumuna d’Aiacciu hè chjaru. Si tratta in fatti di dui cartulari pricisi, ma liati da ssu veru prublema di a vita in sucità : l’incivilità. U prima intaressa soprattuttu a CAPA è cuncerna un serviziu novu di racolta di i rumenzuli. Dopu a crisa di a fini d’annata, ci sò affari assai intarissanti chì s’urganizeghjani nant’à u tarritoriu di a CAPA ; ci vultaremi. U sicondu cuncerna soprattuttu a cità d’Aiacciu ed hè difficiuli quì torna à trattà : a lotta contr’à l’incivilità tucchendu a pulizia, u staziunamentu è a circulazioni, u rimori o ancu l’occupazioni di u duminiu publicu. Sughjetti cumplicati pà una municipalità, soprattuttu chì a parolla riprissioni hè sempri assai mal vista da i citadini. Eppuru, ci vularà podassi à passà pà què, com’ellu a ci dici Laurent Marcangeli, u diputatu è merri d’Aiacciu.
Steti à senta à Laurent Marcangeli.
