Affaire Erignac : non-lieu dans la piste agricole
Photo Pexels
(A redazzioni d'Alta Frequenza) - Inchiesta nant'à l'assassiniu di u prifettu Claude Erignac : un'urdinanza pà a fini di l'accusi hè stata resa pà ssu principiu di sittimana ind'a famosa "pista agricula". Cuncerna 31 parsoni, firmati missi in asamini pà associu di malfattori in rilazioni cù un'intrapresa tarrurista. Sò stati numarosi à essa imprighjunati duranti parechji mesi trà u 1998 è u 1999. Una dicisioni ch'ella avia chersu a pricura di maghju scorsu, mittendu in risaltu l'assenza di carichi chì bastessini, a cumplessità di l'investigazioni, a so durata è l'ambienti appaciatu in Corsica.
