Affaire dite Kenzo : réquisitions et sentiment de la défense
Sò cascati vennari à sera i riquisizioni, pà l’affari dittu di « Kenzo » : 18 mesa di prighjunia cù 12 attimpati pà una di i parsoni, è 12 mesa attimpati pà i dui altri.
Hè stata dumandata contru à i trè ghjovani una intirdizzioni di stadiu di cinqui anni.
A difesa, chì hà vulsutu veda tutti i videosurviglianzi d’issa ghjurnata, vurria chì l’affari si ni tenga à u liveddu chì hè à veru u soiu, chì u trattamentu mediaticu hà fattu ancu bambià l’idea di a ghjustizia : hè ancu intarvinutu à issu sughjettu u prisidenti lla ripublica francesa !
Ani ripitutu, l’avucati lla difesa, chì i so clienti ani sempri nigatu i viulenzi fisichi contru à u ziteddu è u so babbu. Prova si n’hè : u babbu hà dittu ch’iddu avia sangunatu u so nasu dopu à issi viulenzi, ma a videosurviglianza musciaria u cuntrariu, è custatu midicali in issu sensu ùn ci n’hè statu !
A difesa dumanda dunqua a indulgenza llu tribunali, è chì issa storia sichi sola ghjudicata cù i fatti, à liveddu di ciò ch’iddi sò !
A cuncedini i ghjovani d’avè pussutu imprissiunà issa famidda, ma colpi ùn si n’hè datu nè à u babbu, nè à u ziteddu !
U ghjudicamentu si farà l’ottu di sittembri.
Sur le même sujet
