Achat de carburant: le préfet de Corse-du-Sud lance un appel au civisme et à la responsabilité
(A redazzioni d'Alta Frequenza) - In un cumunicatu, u prifettu di Corsica Suttana, Bernard Schmeltz, lampa una chjama à l'autumubilisti pà u civisimu è a rispunsabilità cuncirnendu l'acquistu di benzina chì cresci dopu à l'annunziu di u blucchimi di i dipositi petrulieri isulani da a CGT. "A situazioni di i stazioni serviziu in u dipartimentu faci spuntà chì, nant'à i 59 stazioni, tutti sò in misura di furniscia gasoil è essenza. I stocks di u dipositu d'Aiacciu bastani. U dipositu di Lucciana sarà alimentatu in principiu di sittimana chì veni. Da un'antra banda, nisun stazioni hè riservata solu pà i vitturi di i servizi priuritarii. Ma, u numaru impurtantissimu l'autumubilisti ind'i stazioni serviziu, chì inghjenna una cunsumazioni à ghjornu simuli à quilla arrighjistrata duranti un mesi d'aostu, pò crià, da ssu fattu solu, difficultà di distribuzioni pà i ghjorni chì venini. Di fattu, u prifettu di Corsica Suttana hà dicisu di francassi di a custituzioni di stocks di cunfortu, cù l'interdizzioni di a distribuzioni di benzina inde recipienti purtevuli, com'è par asempiu i jerrican".
Sur le même sujet
