Absence du président de l’Assemblée de Corse à la cérémonie de remise des prix du concours national de la Résistance : les explications
(A redazzioni d'Alta Frequenza) - U Presidenti di l’Assemblea di Corsica ùn hè micca andatu à a ceremonia di rimessa di i premii di u cuncorsu naziunali di a Resistenza in Corsica Suprana : Ghjuvan Guidu Talamoni si spiega in un cumunicatu : « A Ghjustificazioni di a rivuluzioni di Corsica, Le Silence de la mer di Vercors è u Principellu d’Antoine de Saint-Exupéry, rimessi à a ceremonia d’annu, ci pari ch’elli ùn cunvinissini micca à i gusti literarii di a prefetturali » hà dichjaratu dinò Ghjuvan Guidu Talamoni. È hà aghjustatu chì: « st’opari, troppu cunnusciti pà a so scrittura strampalata è i so idei riazziunarii, ani culpitu u spiritu luminosu di u Prifettu di Corsica Suprana ch’hà dumandatu à u scagnu di u Presidenti d’offra d’altri rigali à i vincitori ». Da nutà ch’ellu aghjusta quantunqua « chì a Prufittura d’Aiacciu, chì pari essa più sinnata, ùn hà dittu nulla quandu u Presidenti l’hà purtatu i libri. » U Presidenti di l’Assemblea di Corsica, compii dicendu ch’ellu « hà ricusatu st’ordini ridiculi, cuntrariu prima à a libertà di sprissioni, à u spiritu è à i lettari di i stituzioni è simpliciamenti à u ghjudiziu.
