22 août 1975 : un stèle commémorative inaugurée à Aleria
(A redazzioni d'Alta Frequenza) - L'Associu "Aleria 1975" è u so presidenti Edmond Simeoni inaugureghjani ssu vennari una stela cumemurativa, u ghjornu di i 39 anni di ciò chì hè cunsidaratu com'è unu di l'evenimenti maiò di a lotta naziunalista corsa. U 22 d'aostu di u 1975, parechji militanti di l'ARC purtati da Edmond Simeoni occupani a cantina viticula di un capu d'intrapresa d'urighjini pedi neru, pà dinunzià una scruccunaria maiò ind'u duminiu viticulu. Dui gendarmi sò stati tombi ssu ghjornu quì, mentri chì un militanti naziunalistu hè statu feritu gravi. Una stela cumemurativa cù u scopu di duveri di mimoria, ma dinò pà cunsacrassi à l'analisi di i seguiti di ss'evenimenti, di i so cunsiquenzi, è pà pinsà à l'avvena puliticu di l'isula, à u mumentu chì a Corsica rifletti cù u Statu pà avanzati custituziunali è istituziunali novi.
Steti à senta à Edmond Simeoni.
Sur le même sujet
